Posts in category: Blog

காலை ஜெபம்

MORNING PRAYER

ஆண்டவருக்கு நன்றியுரைப்பது நன்று; உன்னதரே! உமது பெயரைப் புகழ்ந்து பாடுவது நன்று.

காலையில் உமது பேரன்பையும் இரவில் உமது வாக்குப் பிறழாமையையும்

பத்து நரம்பு வீணையோடும் தம்புரு, சுரமண்டல இசையோடும் எடுத்துரைப்பது நன்று.

ஏனெனில், ஆண்டவரே! உம் வியத்தகு செயல்களால் என்னை மகிழ்வித்தீர்; உம் வலிமைமிகு செயல்களைக் குறித்து நான் மகிழ்ந்து பாடுவேன்.

ஆண்டவரே! உம் செயல்கள் எத்துணை மேன்மையாவை; உம் எண்ணங்கள் எத்துணை ஆழமானவை.

(திருப்பாடல்கள் 92:1-5)

ஒருநாளும் எங்களை மறவாத இறைவா! இந்தக் காலை வேளையிலே உண்மை பணிந்து, வணங்கி ஆராதிக்கின்றோம்.

இந்த நேரம் வரை எங்களை காத்து, வழிநடத்து வந்த உமது மேலான அன்பிற்காக நன்றி கூறுகின்றோம்.

தூய ஆவியானவரே! நீரே எங்களை ஆட்கொள்ளும், எங்களை வழிநடத்தும், எங்களை உண்மையின் பாதையில் வழிநடக்கச் செய்யும்.

எங்கள் உடலை, நீர் வாழும் இல்லமாக மாற்றும். எங்கள் மனதில் பணிந்து கிடக்கும் அனைத்து பாவக்கரைகளையும் நீக்கி, என்னை தூய்மைப்படுத்தும்.

தூய ஆவியானவரே! நாங்கள் செய்யும் ஒவ்வொரு செயல்களிலும், கடவுளை வெளிப்படுத்த எங்களுக்கு உதவி புரியும். எது சரி, எது தவறு என்று அறியச் செய்தருளும்.

இவ்வாறு எங்கள் வாழ்நாள் எல்லாம், கடவுளுக்கு உண்மையாகவும், நேர்மையாகவும் பணிபுரிந்து, எங்கள் வாழ்வின் மூலம் கடவுளை வெளிப்படுத்தி வாழ, எங்களுக்கு தேவையான வரங்களை தந்துருளும்

இறைவா! இந்த ஜூலை மாதம் முழுவதும் எங்களைக் காத்து, வழிநடத்திய உமது மேலான அன்பிற்காக நன்றி அப்பா. பிறக்க உள்ள புதிய மாதத்தையும் நிறைவாய் ஆசீர்வதியும்.

இயேசு மரியே சூசையே! என் இருதயத்தையும், ஆத்துமத்தையும் உங்களுக்கு ஒப்படைக்கின்றேன். ஆமென்.

MORNING PRAYER

காலை ஜெபம்

புனித லீதியாவை நோக்கி செபம்

இறைவனின் அன்பிற்குரிய புனித லீதியாவே !
இறைவார்த்தையைத் திறந்த இதயத்தோடு ஏற்றுக் கொண்டு, புனித பவுலின் நற்செய்திப் பணிக்கு ஆதரவாக இருந்த உமது விசுவாச வாழ்வுக்காக இறைவனைப் போற்றுகிறோம்.

எங்கள் இதயங்களையும் ஆண்டவரின் வார்த்தைக்குத் திறந்திட இறைவனிடம் எங்களுக்காக மன்றாடும். எங்கள் குடும்பங்களில் விசுவாசம், அன்பு, ஒற்றுமை மற்றும் சமாதானம் நிலைத்திருக்க அருள் வேண்டித் தந்தருளும்.

விருந்தோம்பல், தாராள மனம், பிறருக்குச் சேவை செய்யும் உள்ளம் ஆகிய நற்குணங்களில் நாங்கள் வளரவும், எங்கள் வீடுகள் இறைவனின் அன்பு நிறைந்த இல்லங்களாக மாறவும் எங்களுக்காக வேண்டிக்கொள்ளும்.

எங்கள் தேவைகளையும் கவலைகளையும் ஆண்டவரிடம் எடுத்துரைத்து, அவரது திருவுளத்தின்படி வாழவும், எல்லா சோதனைகளிலும் உறுதியாக நிலைத்திருக்கவும் எங்களுக்கு அருள் கிடைக்கச் செய்யும்.

இறுதிவரை கிறிஸ்துவுக்கு உண்மையாய் வாழ்ந்து, ஒருநாள் உம்மோடு சேர்ந்து விண்ணக மகிமையை அடைய இறைவனின் அருளைப் பெற்றுத் தாரும்.

இதை எங்கள் ஆண்டவராகிய இயேசு கிறிஸ்துவின் வழியாக வேண்டிக் கொள்கிறோம்.

ஆமென்.

காலை ஜெபம்

MORNING PRAYER

அர்ப்பண ஜெபம்

கருணையும், அன்பின் செல்வந்தரும், படைப்பின் ஆண்டவருமான என் இறைவா! நீர் எனக்குத் தந்துள்ள அனைத்து ஆசீர்வாதங்களையும், நன்மைகளையும் நினைத்து நான் உமக்கு நன்றி கூறுகின்றேன். படைப்பு அனைத்தோடும் சேர்ந்து நான் உம்மைத் துதித்து ஆராதிக்கின்றேன்.

என் இயேசுவே! பிறந்த இந்த புதிய ஆகஸ்ட் மாதத்தில், நான் காண்பதையும், கேட்பதையும், சிந்திப்பதையும், செயல்படுவதையும், நேரிடுவதையும், அதற்கு ஏதுவான அனைத்தையும், என் இதயத்தைப் பாதிப்பவைகளையும் அவ்வப்போது உலகமெங்கும் ஒப்புக் கொடுக்கப்படும் திருப்பலியோடு இணைந்து பரிசுத்த அன்னையின் மாசற்ற திரு இருதயத்தின் வழியாக உமக்கு நான் காணிக்கையாக்குகின்றேன்.

இறைவா, என் தாய், தந்தையினுடையவும், முன்னோர்களுடையவும் அனைத்துலக மக்களின் பாவப் பரிகாரத்திற்காகவும் ஆன்மாக்களின் மீட்பிற்காகவும் இந்த அர்ப்பணத்தை நீர் ஏற்றருளும்.

பிறருக்கு வேதனையோ, வருத்தமோ, பெயரைக் கெடுக்கும் யாதொன்றும் என்னில் இருந்து ஏற்படாதவாறு என் பேச்சுக்களில் கவனத்தோடும், என் செயல்பாடுகளில் விவேகத்தோடும் செயலாற்ற எனக்கு உதவியருளும். ஆன்ம பலத்தால் கோபத்தை அன்பாகப் பகிர்ந்திடவும், அன்பால் பழிவாங்கும் சிந்தனைகளை வெற்றி கொள்ளவும், பல்வேறு இன்னல்களுக்கு உள்ளாக்கப்பட்ட நிலையிலும் சமாதானத்தை இழந்து விடாமல் உம்மையே அடைக்கலமாக்கி நான் வாழ எனக்கு உதவியருளும்.

என் இயேசுவே, உம்மை அன்பு செய்யவும், உம்மீதுள்ள அன்பின் பொருட்டு நீர் விரும்பும் எதையும் சந்தோஷமாக ஏற்றுக் கொள்ளவும் எனக்கு ஆற்றல் தாரும். உமது அன்பிலிருந்து என்னை வேறுபடுத்துகின்ற எல்லாவிதமான ஊனுடல் பலவீனங்களையும், விசுவாசத்திற்கும் பரிசுத்தத்திற்கும் எதிராக வருகின்ற சோதனைகளையும் மேற்கொள்ள வேண்டிய ஆன்மீக சக்தியை நீர் எனக்குத் தந்தருளும்,

எனது அனைத்துச் செயல்களிலும் உமது அருளும், ஆசீரும் பொழிந்தருளும். அனைத்தையும் நன்றாக துவங்கவும், நன்றாக முடிக்கவும் எனக்கு ஆற்றல் தந்தருளும். மரணம் என்னை நெருங்குகையில் அந்த பலவீனமான நேரத்தில் வலுவான சோதனைகள் என்னை வேதனைப்படுத்தும்போது என் இயேசுவே, நீர் வந்து எனக்கு உதவிடவும், என் ஆன்மாவை ஏற்றுக் கொள்ளவும் வேண்டுகிறேன்.

ஆமென்.

MORNING PRAYER

காலை ஜெபம்

புனித யூதா ததேயூவை நோக்கி ஜெபம்

மாட்சிமைமிக்க அப்போஸ்தலரும் வேதசாட்சியுமான புனித யூதா ததேயுசே எங்கள் ஆண்டவரும் மீட்பருமான இயேசு கிறிஸ்துவின் நெருங்கிய உறவினரே! புண்ணியங்கள் மின்னித்துலங்கும் தூயவரே! புதுமை வரங்களில் சிறந்தவரே! தம்மை தேடிவந்தவர்களை தப்பாமல் ஆதரிக்கும் தயாள உள்ளங் கொண்டவரே! உம்மை நாங்கள் வாழ்த்துகிறோம். இந்த அற்புத வரங்களை உமக்களித்த அன்பு தேவனுக்கு ஆராதனை செலுத்துகிறோம். இதயபூர்வமான நன்றி நவில்கிறோம்.
எங்களுக்குத் தேவையான ஆன்ம சரீர நலன்களையெல்லாம் அடைந்து தந்தருள உம்மை கெஞ்சி மன்றாடுகிறோம். சிறப்பாக இப்போது எங்களுக்கு மிகவும் அவசியமாக இந்த வரங்களைப் பெற்றுத்தாரும்.

(நம் தேவைகளை எடுத்துக் கூறுவோம்)

நேசிக்கப்படத்தக்கவரும் உள்ளப் பண்பாடு உடையவரும் இறைப் புகழை பாடுபவருமான பெயர்பெற்று இயங்கும் தயாள இருதய ததேயுவே! உமது வல்லமையில் எங்கள் நம்பிக்கை வீண் போகவிடாதேயும்.
யூதாசின் பெயர் ஒற்றுமையால்; உமக்கு நேர்ந்த பக்திக் குறையைக் பரிகரித்து வகையின்றி வாடுவோருக்கு வல்லமையுடன் உதவி புரியும் அரிய வரத்தை இறைவன் உமக்கு அளித்திருக்கிறார் என்பதை நினைவு கூர்ந்தருளும்.
இப்பெரிய வரத்திற்காக நாங்களும் உம்முடன் சேர்ந்து இறைவனின் புகழைப் பாடத் துணைபுரியும். அவருக்கு நன்றி செலுத்த தயை செய்யும். நீர் எங்களுக்கு செய்கின்ற இப்பேருதவிக்காக எங்கள் வாழ்நாளெல்லாம் நாங்கள் உமக்கு நன்றியுள்ளவர்களாய் இருப்போம். உமது வல்லமையுள்ள மன்றாட்டை மக்களிடையில் அறியச் செய்வோம். பலர் அறியாப் புனிதரே சிறப்பு இயல்புகள் பல படைத்தவரே பலன் தரும் உமது பக்தி பாரெங்கும் பரவ எங்களால் ஆன பிரயாசையெல்லாம் எடுப்போம் என்றும் உறுதியாய் வாக்களிக்கிறோம்.

ஆமென்.

MORNING PRAYER

காலை ஜெபம்

புனித அல்ஃபோன்சாவிடம் செபம்

புனித அல்ஃபோன்சாவே! நம் மீட்பர் இயேசு கிறிஸ்துவின் பாடுகளிலும், மரணத்திலும், உயிர்ப்பிலும் பங்குகொண்ட நீர், எங்கள் மத்தியில் இருந்து தேர்ந்துகொள்ளப்பட்டீர். புண்ணியத்தில் வளர்ந்த நீர் இறைவனால் புனித நிலைக்கும் மோட்ச பாக்கியத்திற்கும் அழைத்துக் கொள்ளப்பட்டீர் .
எங்களின் துன்பங்களிலும், துயரங்களிலும் இறைவனிடம் எமக்காய் பரிந்து பேசும். ஓ துன்பங்களால் தூய்மை அடைந்த தூயகமே! உம்மை போல் நாங்களும் இறைவனை முற்றிலும் சரணடைந்து தூய வாழ்வு வாழ வழிநடத்தும்.
கிறிஸ்துவின் பாடுகளுக்காகவும், எம் பாவங்களின் மன்னிப்பிற்காகவும், அனைத்து மக்களின் முன்னேற்றத்திற்காகவும், மீட்பிற்காகவும் எங்கள் துன்பங்களை பொறுமையோடு ஏற்று இறை மகிமைக்காக வாழும் வரம் தாரும்.

ஆமென். †