All posts by : jamesalu22

காலை செபம்

குருக்களின் பாதுகாவலர் புனித ஜான் மரிய வியான்னியின் நினைவு தினம் இன்று

குருக்களுக்காகச் செபம்

இயேசு ஆண்டவரே! ஆன்மாக்களின் நல்லாயனே! நிலையானப் பெருங்குருவே! உமது தெய்வீகக் குருத்துவத்தில் பங்குகொள்ள அழைக்கப்பட்டுள்ள எங்களது குருக்களுக்காக நன்றி கூறுகின்றோம். 🙏 அவர்களைக் காப்பாற்றும் படியாக உம்மைக் கெஞ்சி மன்றாடுகிறோம். அவர்கள் உமக்குச் சொந்தமானவர்களானதாலும், அவர்களுடைய வாழ்வே உமது பலிப் பீடமாக இருப்பதாலும், அவர்களின் உடலும் உள்ளமும் பலவீனமானவை என்பதாலும், அவர்களை விழ வைக்க சாத்தான் விரிக்கும் வலைகள் அதிகம் என்பதாலும் அவர்களைக் காப்பாற்றும். அவர்கள் இவ்வுலகை விட்டுப் பிரிந்திருந்தாலும், இந்த உலகத்தின் மத்தியில் வாழ்கிறார்கள். இவ்வுலகச் சிற்றின்பங்களும் நாட்டங்களும் அவர்களைச் சோதிப்பதாலும், அவர்களை உமது திரு இருதய நிழலில் வைத்துக் காப்பாற்றும். அவர்கள் வாழ்வில் ஏற்படும் சோதனை, வெறுமை, தனிமை, தடுமாற்றம், ஆகியவற்றிலிருந்து காத்துக் கரம் பிடித்து வழி நடத்தியருளும். அவர்களுடைய தியாகத் வாழ்வே வீண் எனத் தோன்றும் பொழுது அவர்கள் அருகிருந்து ஆறுதல் அளியும். அவர்களை நீர், உமது அன்பில் என்றும் நிலைத்திருக்கச் செய்து, உமக்கும், உம் மக்களுக்கும், அவர்கள் பணிவுடனும் பயனுடனும் தொண்டாற்றச் செய்தருளும். அவர்களின் அருட்பணிகள் எங்களுக்குப் பலன் அளிக்கும்படிக்கு அவர்களது ஒவ்வொரு சிந்தனையையும், சொல்லையும், செயலையும் ஆசிர்வதித்துப் புனிதப் படுத்தியருளும். அதனால் அவர்களிடம் ஒப்படைக்கப்பட்ட அனைத்து மக்களையும் உண்மையானப் புனித வாழ்விற்கு நடத்திச் செல்வார்களாக. பலர் உம்மை அறிந்து, இவ்வுலக வாழ்வில் உம்மை அன்பு செய்து, விண்ணுலகத்தில் நிலையான பேரின்பத்தை அடையும் வகையில் அவர்களின் சீடத்துவம் பலன் தருமாறு அவர்களை ஆசிர்வதித்தருளும். இந்த செபத்தை அன்பு அன்னை மரியாளின் பரிந்துரையிலும், என்றென்றும் வாழும் பெருங்குருவாம் உமது மகன் இயேசு கிறிஸ்து வழியாக உம்மை இறைஞ்சி மன்றாடுகிறோம்.

இன்று ஒரு சிந்தனை!

அடக்கமாக உள்ளவரின் வலிமையை அறியாமல், அவரை எளிதாக வெல்ல நினைப்பவனுக்கு, தப்பாது கேடு நேரும்!

வாழ்க்கை கடினமாகதான் இருக்கும், எதிர்த்து போராட, அதற்கேற்ப உன்னை, மேலும், மேலும் உறுதியாக்கி கொள்!!

எனக்கு இது வராது, என்னால் முடியாது, என நினைப்பவரால், எதையும் சாதிக்க இயலாது, வெற்றிக்கனியை எட்டும் வரை, முயற்சி வேண்டும்,!!!

இரவு செபம்

(திபா 84: 2. 3. 4-5a,7a. 10)

ஆண்டவரே! உம் உறைவிடம் எத்துணை அருமையானது!

வானகத் தந்தையே இறைவா!
இந்த மாலை வேளையில் என் உடலும், உள்ளமும் ஆழ்ந்த ஏக்கத்துடன் உம்மை நோக்கித் திரும்புகிறது.

உமது தூய பலிபீடத்தின் அருகே, ஓய்வைத் தேடும் சோர்வடைந்த பறவையைப் போல, என் ஆன்மா இந்த இரவுப் பொழுதில் உமது உடனிருப்புக்காக ஏங்குகிறது. நீரே என் உண்மையான அடைக்கலம், என் அமைதி, என் ஆறுதல், என் பாதுகாப்பான மறைவிடம்.

உமது இல்லத்தில் தங்கியிருப்போர் நற்பேறு பெற்றோர்; அவர்கள் எந்நாளும் உம்மைப் புகழ்ந்து கொண்டேயிருப்பார்கள். ஆதலால் அவர்களின் இதயங்களை நீர் மகிழ்ச்சியினால் நிரப்புகிறீர். உலகம் இருண்டு போனாலும்,
நீரே இன்னும் என் ஒளி.
நான் பலவீனமாக உணர்ந்தாலும், நீரே என் பலம். ஆண்டவரே, இன்றைய நாளில் எனது பலவீனத்தால் உமக்கெதிராகவும், சக மானிடருக்கெதிராகவும் நான் கட்டிக்கொண்ட பாவங்களுக்காக என்னை மன்னியும்.

வேற்றிடங்களில் வாழும் ஆயிரம் நாள்களினும், உம் கோவில் முற்றங்களில் தங்கும் ஒரு நாளே மேலானது; எனவே, இன்றிரவு உமது கருணையால் என்னைச் சூழ்ந்து கொள்ளுங்கள். என் தலையணை உமது உறுதி தரும் வார்த்தைகளாகவும் , என் போர்வை, உமது தூதர்களின் இறக்கைகளின் நிழலாகவும் இருக்கட்டும்.

நான் நாளை, புதுப்பிக்கப்பட்ட நம்பிக்கையுடன் எழுந்திருப்பேன் என்னும் நம்பிக்கையில், இந்த இரவினை உமது கரங்களில் ஒப்படைக்கின்றேன் – ஆமென்

(திபா 84: 2. 3. 4-5a,7a. 10)

ஆண்டவரே! உம் உறைவிடம் எத்துணை அருமையானது!

வானகத் தந்தையே இறைவா!
இந்த மாலை வேளையில் என் உடலும், உள்ளமும் ஆழ்ந்த ஏக்கத்துடன் உம்மை நோக்கித் திரும்புகிறது.

உமது தூய பலிபீடத்தின் அருகே, ஓய்வைத் தேடும் சோர்வடைந்த பறவையைப் போல, என் ஆன்மா இந்த இரவுப் பொழுதில் உமது உடனிருப்புக்காக ஏங்குகிறது. நீரே என் உண்மையான அடைக்கலம், என் அமைதி, என் ஆறுதல், என் பாதுகாப்பான மறைவிடம்.

உமது இல்லத்தில் தங்கியிருப்போர் நற்பேறு பெற்றோர்; அவர்கள் எந்நாளும் உம்மைப் புகழ்ந்து கொண்டேயிருப்பார்கள். ஆதலால் அவர்களின் இதயங்களை நீர் மகிழ்ச்சியினால் நிரப்புகிறீர். உலகம் இருண்டு போனாலும்,
நீரே இன்னும் என் ஒளி.
நான் பலவீனமாக உணர்ந்தாலும், நீரே என் பலம். ஆண்டவரே, இன்றைய நாளில் எனது பலவீனத்தால் உமக்கெதிராகவும், சக மானிடருக்கெதிராகவும் நான் கட்டிக்கொண்ட பாவங்களுக்காக என்னை மன்னியும்.

வேற்றிடங்களில் வாழும் ஆயிரம் நாள்களினும், உம் கோவில் முற்றங்களில் தங்கும் ஒரு நாளே மேலானது; எனவே, இன்றிரவு உமது கருணையால் என்னைச் சூழ்ந்து கொள்ளுங்கள். என் தலையணை உமது உறுதி தரும் வார்த்தைகளாகவும் , என் போர்வை, உமது தூதர்களின் இறக்கைகளின் நிழலாகவும் இருக்கட்டும்.

நான் நாளை, புதுப்பிக்கப்பட்ட நம்பிக்கையுடன் எழுந்திருப்பேன் என்னும் நம்பிக்கையில், இந்த இரவினை உமது கரங்களில் ஒப்படைக்கின்றேன்

இன்று ஒரு சிந்தனை!

இன்று நீ சக்திவாய்ந்தவராக இருக்கலாம், ஆனால் நினைவில் கொள், காலம் உன்னை விட சக்தி வாய்ந்தது!

காலமும், சூழ்நிலையும், எப்போது வேண்டுமானாலும் மாறலாம்; யாரையும் வாழ்க்கையில் குறைத்து மதிப்பிடவோ, காயப்படுத்தவோ வேண்டாம்!!

ஒரு பறவை உயிருடன் இருக்கும்போது, எறும்புகளைத் தின்னும், ஒரு நாள் பறவை இறக்கும், இறந்தவுடன், எறும்புகள் பறவையை தின்னும்!!!