Posts in category: Blog

இரவு ஜெபம் 

எம் அன்பு இறைவா! உம்மை நாங்கள் போற்றுகின்றோம், புகழ்கின்றோம், மகிமைபடுத்துகின்றோம், ஆராதனை செய்து நன்றி கூறுகின்றோம்.

எங்களை ஒரு குழுவாக, குடும்பமாக, நண்பர்களாக உறவை வளர்க்கும் கருவியாக, உறவோடு உமது ஞான வார்த்தைகளை பகிர்ந்து கடமையைச் செய்ய, உறவில் நாங்கள் மகிழ்ச்சியைக் காணச் செய்ததற்காக, நன்றி கூறுகின்றோம்.

இன்றைய நாள் முழுவதும் எங்கள் உடனிருந்து, பாதுகாத்து, ஆலோசனை தந்து, ஆரோக்கியத்தை அளித்து, சோர்வுகள் எங்களை தாக்கினாலும் எமக்கு ஆற்றில் தந்து, அரவணைத்தீரே உமக்கு நன்றி செலுத்துகின்றோம்.

உமது அன்பை பிரதிபலிக்கும் வகையில் எங்களை இன்று நடக்கச் செய்தீரே, உமது ஆவியின் வரங்களினால் எங்களை நிரப்பினீரே உமக்கு நன்றி செலுத்துகின்றோம்.

பிறருக்கு ஆறுதல் அளிக்க மறந்ததற்காகவும்; பாராட்ட மறந்ததற்காகவும்; நன்றி சொல்ல மறந்ததற்காகவும்; உற்சாகப்படுத்த மறந்ததற்காகவும் எங்களை மன்னியும்.

தேவையான நேரத்தில் பிறருக்கு உதவி செய்ய, பிறருக்கு நன்மை செய்யத் தவறியதற்காக எங்களை மன்னியும்.

பிறருடைய கடைமைகளிலே நாங்கள் தடையாக இருந்திருந்தால் அல்லது சிரமம் கொடுத்தற்காக எங்களை மன்னியும்.

எங்கள் பெற்றோரிடமும் சகோதர சகோதரியிடமும், நண்பர்களிடமும் பிள்ளைகளிடமும், மனம் புண்படும்படியாக எதாவது செய்திருந்தால் எங்களை மன்னியும்.

தாயும் தந்தையுமான இறைவா! இந்த இரவில் நல்ல தூக்கத்தைத் தந்தருளும்.

நாளை காலை மீண்டும் எழுந்து உம்மைப் போற்றிப் புகழவும், உம்மோடு இன்னும் நெருங்கி வாழவும் அருள்புரியும்.

காலை ஜெபம்

கடவுளே! எனக்கு இரங்கும், எனக்கு இரங்கும்; நான் உம்மிடம் தஞ்சம் புகுகின்றேன்; இடர் நீங்கும்வரை உம் இறக்கைகளின் நிழலையே எனக்குப் புகலிடமாகக் கொண்டுள்ளேன். உன்னதரான கடவுளை நோக்கி, எனக்காக யாவையும் செய்து முடிக்கும் இறைவனை நோக்கியே நான் மன்றாடுகின்றேன். வானகத்தினின்று அவர் எனக்கு உதவி அனுப்பி என்னைக் காத்தருள்வார்; என்னை நசுக்குவோரை இழிவுப்படுத்துவார். கடவுள் தம் பேரன்பையும் வாக்குப் பிறழாமையையும் வெளிப்படுத்துவார். மனிதரை வெறியோடு விழுங்கும் சிங்கங்கள் போன்றவரிடையே நான் கிடக்கின்றேன்; அவர்களின் பற்கள் ஈட்டியும் அம்பும் போன்றவை; அவர்களின் நா கூர்மையான வாள் போன்றவை. கடவுளே! வானங்களுக்கு மேலாக நீர் உயர்த்தப்பெறுவீராக! பாரெங்கும் உமது மாட்சி விளங்குவதாக!

திருப்பாடல்கள் 57:1-5

என் அன்புக்குரிய இயேசு கிறிஸ்துவே, கடந்த இரவு முழுவதும் உம்மிடம் ஒப்படைக்கப்பட்ட என்னை, உமது தெய்வீக ஆசீரால் பாதுகாத்து, இப்புதிய நாளை காண செய்த இறைவா! உம்மை வாழ்த்தி போற்றி ஆராதிக்கின்றேன். உமக்கு நன்றி செலுத்துகிறேன்.

இயேசுநாதருடைய திருநாமத்தினாலே எழுந்திருக்கிறேன். படுக்கையில் இருந்து எழுந்தது போல பாவத்தை விட்டெழுந்து, மறுபடியும் நான் பாவத்தில் விழாதபடிக்கு என்னைத் தற்காத்தருளும் இறைவா!

என் துன்ப நேரத்திலும், ஆபத்துக் காலத்திலும் என் ஆன்மாவைத் தூக்கி நிறுத்தி, என் பலவீனத்தை பலப்படுத்தி, என் எதிரிகளின் எல்லா தாக்குதல்களையும் எதிர்கொள்ளத் துணிவை அளித்து, நல்லவராகிய என் கடவுளிடமிருந்து என்றும் பிரியாதிருக்க உமது வல்லமை அளித்தருளும்.

“பட்டாம்பூச்சிகளை துரத்த வேண்டாம்”

ஒரு மதிப்புமிக்க வெற்றிப் பாடம் கொண்ட கதை.

ஒரு சிறுவன் தன் தாத்தாவிடம் கேட்டான்.
“தாத்தா, நான் நடிகனாக வேண்டும், சினிமாவில் நடிக்க வேண்டும். நான் வளர்ந்ததும், உலகத்தைப் பார்க்கவும், நல்ல கார்களை ஓட்டவும், கண்ணாடியால் ஆன வீட்டில் வாழவும் விரும்புகிறேன். நான் உண்மையில் வாழ்க்கையில் மிகப்பெரிய வெற்றிபெற விரும்புகிறேன். சொல்லுங்கள், நான் எப்படி எனது எல்லா இலக்குகளையும் அடைவது, அவற்றை விரைவாக எட்டி பிடிப்பது?”

தாத்தா ஒரு கணம் நிறுத்தி, திரும்பிப் பார்த்தார், பின்னர் ஒரு அழகான பட்டாம்பூச்சி ஒரு பூவில் அமர்ந்திருப்பதைக் கண்டார். உடனே அவர் கத்தினார்..

“ஆஹா! என்ன ஒரு அற்புதமான பட்டாம்பூச்சி! ​​சீக்கிரம்… சீக்கிரம், அதைத் துரத்து! போய் அதைப் பிடித்துக் கொண்டு வா! அதை பறக்க விட்டு விடாதே. பிடி போ..

இளைஞன் அவசரமாக பட்டாம்பூச்சியிடம் ஓடினான், ஆனால் அவன் அதைப் பிடிக்க முயன்றபோது, ​​பட்டாம்பூச்சி திடீரென்று காற்றில் பறந்தது. அவன் அதைப் பிடிக்க முயன்றான், ஆனால் அது மிகவும் வேகமாக பறந்து கொண்டிருந்தது. அவன் சோர்ந்து போகும் வரை தோட்டத்தை சுற்றி சுற்றி ஓடினான், ஆனாலும், அவனால் அந்த பட்டாம்பூச்சியை பிடிக்க முடியவில்லை. மூச்சிரைக்க, தாத்தாவிடம் திரும்பினான்.

“என்னால் பிடிக்க முடியவில்லை தாத்தா! பறந்து போய் விட்டது!”

தாத்தா ஒரு கணம் சிரித்துவிட்டு, அந்த இளைஞனின் கைகளை பிடித்து ஒரு மூலைக்கு அழைத்துச் சென்றார். பின்னர் மெதுவாக பேச ஆரம்பித்தார்..

“கவனமாக கேள், நான் உனக்கு ஒரு மதிப்புமிக்க வாழ்க்கைப் பாடம் சொல்கிறேன், நீங்கள் வண்ணத்துப்பூச்சிகளைத் துரத்துவதில் உங்கள் நேரத்தைச் செலவிட்டால், அவை பறந்துவிடும், ஆனால் நீங்கள் ஒரு அழகான தோட்டத்தை உருவாக்க உங்கள் நேரத்தை செலவிட்டால், வண்ணத்துப்பூச்சிகள் உங்களிடம் வரும்.

அந்த பட்டாம்பூச்சி, உங்கள் வாழ்க்கையின் இலக்குகளைப் போன்றது, உடனடியாக இலக்குகளை அடைந்து வெற்றிபெற வேண்டும் என நினைப்பது எளிது, ஆனால் நாம் நமது திறமைகளில் கவனத்தை செலுத்தும்போது உண்மையான மந்திரம் நிகழ்கிறது, அருமையான தோட்டத்தை வளர்த்து பட்டாம்பூச்சிகளை வரவழைப்பது போல, உங்கள் திறமைகளை வளர்த்துக்கொண்டு வெற்றிகளையும் பணத்தையும் உங்களிடம் வர வையுங்கள். அன்பையோ, பணத்தையோ, வெற்றியையோ துரத்தாதீர்கள், அதுவே உங்களைத் தேடி வரும். ஆகவே உங்கள் ஆற்றலை, திறமையை வளர்ப்பதில் கவனம் செலுத்துங்கள்.. வெற்றியாளர்களின் ரகசியம் இது ஒன்றுதான்.