SPIRITUAL GROWTH SEPTEMBER 25, 2026 2 MIN READ 3 VIEWS 0 Likes FOLLOWING ACTIVE

KNOW ME

PRAY THE ROSARY

*இன்றைய செபமாலைக் கருத்துக்கள்.*

*வெள்ளி*

*துயர்நிறை மறையுண்மைகள்.*

*1. கெத்சமணித் தோட்டத்தில் இயேசு இரத்த வியர்வை வியர்த்ததைத் தியானித்து,*

இன்றையத் திருப்பலி முதல் வாசகத்தில் *"கடவுள் ஒவ்வொன்றையும் அதனதன் காலத்தில் செம்மையாகச் செய்கிறார்; காலத்தைப் பற்றிய உணர்வை மனிதருக்குத் தந்திருக்கிறார். ஆயினும், கடவுள் தொடக்க முதல் இறுதிவரை செய்துவருவதைக் கண்டறிய மனிதரால் இயலாது."* என சபையுரையாளர் கூறுகிறார். பெரும் ஆழ்டலில் முன் ஒரு சிறு நீர்துளி போன்றது கடவுளின் அளவிடமுடியாத பெரும் ஞானத்தின் முன்  மனிதனின் சிறிய அறிவு என்பதை நாம் உணர இந்த முதல் 10 மணியை ஒப்புக் கொடுப்போம்.

*2. இயேசு கற்றூணில் கட்டப்பட்டு அடிக்கப்பட்டதைத் தியானித்து,*

இன்றையத் திருப்பலி பதிலுரைப்பாடல் திருப்பாடல்  144:2 *"என் கற்பாறையும் கோட்டையும் அவரே! எனக்குப் பாதுகாப்பாளரும் மீட்பரும் அவரே! என் கேடயமும் புகலிடமும் அவரே!"* என்று கூறுகிறது.

நமதாண்டவர் நோய்நொடிகளிலிருந்து நம்மைக் கேடயமாக இருந்து பாதுகாத்திட இந்த இரண்டாவது 10 மணியை ஒப்புக் கொடுப்போம்.

*3. இயேசுவுக்கு முள்முடி சூட்டப்பட்டதைத் தியானித்து,*

இன்றைய புனிதர் புனித சியோல் ஃப்ரீத்தை திருச்சபைக்குத் தந்த நம் இறைவனுக்கு நன்றியாக இந்த மூன்றாவது 10 மணியை ஒப்புக் கொடுப்போம்.

*4. இயேசு சிலுவை சுமந்ததைத் தியானித்து,*

வெள்ளிக் கிழமையான இன்று நமது செபம், தபம் மற்றும் அன்றாட அலுவல்கள் அனைத்தையும் நமது  திருஇருதயாண்டவரின் மாசற்ற திருஇருதயத்துக்கு ஒப்புக்கொடுக்க வேண்டி இந்த நான்காவது 10 மணியை ஒப்புக் கொடுப்போம்.

*5. இயேசு சிலுவையில் அறையப்பட்டு உயிர் துறந்ததைத் தியானித்து,*

நோய்த் தொற்றினாலும், விபத்துக்களினாலும் மற்றும் பல்வேறு காரணங்களினாலும் உயிரிழந்த அனைத்து ஆன்மாக்களுக்கும் இறைவன் நித்திய இளைப்பாற்றியை அளித்திட வேண்டி இந்த ஐந்தாவது 10 மணியை ஒப்புக் கொடுப்போம்.

*ஆமென்.*

Leave a Comment

POST COMMENT

Thanks for your comment! It will be reviewed.